قررت احقن الشفايف بالفيلر...وترددت اكثر من مرة لانه ابي يكون الشكل طبيعي يحلي الشفايف..مابي يكون اوفر
وكل الناس تدري انه مسوية فيلر ابي زي الاجنبيات اللي يحقنوا فيلر ويكون طبيعي..مو زي الفنانات عندنا يحقنوا ويكون شكل الشفايف قبيح وكانه عجلات سيارة؟؟؟؟رحت للمركز ودخلت عند الدكتورة
وقلتلها ابي حقن فيلر ...قالت الفيلر انواع ابرة كولاجين والا هالورنيك اسيد والا....وعددت لي اسماء كثير
قلت لها مادري وش المناسب لي؟؟قالت خلاص بحقن كولاجين...بعدين طلعت ورقة قالت اقريها ووقعي عليها
قريتها مكتوب انه انا حاقنة الابرة وانو اتحمل المسؤليه ومافيني سكر ولاضغط وكلام كثير من الصدمة ماركزت زين ..قلت لها ليش الورقة هذي قالت لازم توقعين اذا تبغين تحقنين؟؟ترددت وتندمت قلت ياربي احقن او لا..
فاستخرت ووقعت الورقة...حطت كريم مخدر عالشفايف بعدين جابت ابرة صغيرة وحقنت الشفايف ومعاها ممرضة تساعدها وانا عطتني مرايه..وكل شوي تحقن شوي وتقول شوفي بالمراية كويس..وتستشير الممرضة..واخوي معاي جنني كل شوي يسوي حركات انه منصدم عشان يخوفني....المهم الجلسة اخذت خمس دقايق..وخلصنا...قالت ارجعي للبيت وشوفي اذا عجبك الشكل خلاص....واذا تبغين زيادة تعالي بكره.....وقالت لي ماشرب موية باردة ولااعض عالشفايف عشان ماتتجمع المادة المحقونة باماكن معينة....رجعت للبيت وبديت ادقق لقيت جهة اكبر من جهه..وصابني الرعب كاني معاقة....مانمت طول الليل..اكلم خواتي واقول شوفوا ..ويقولوا لي كل شي حلو..رحت لها من بكرا قلت جهة اكبر من جهة..قالت هدي اعصابك عادي دايما تحصل اللحين اعبي الجهة التانية..عبتها وصار الشكل حلو انتفاخ وامتلاء للشفايف بشكل حلو....
مدة الحقن جلست سنة وخفت....ولي الان تلات سنين حاقنة شفايفي تحسين باقي فيها امتلاء شوي....ماراحت المادة كلها...شكل الشفايف امتلاء بسيط......
❧❧خلاصة التجربة انصح اي وحدة تحتاج للفيلر للشفايف تجربه جدااا روعه ويحلي الوجه..بس اختاري المركز الموثوق والدكتورة الشاطرة...كلفتني الابرة+ مع فتح الملف 1300 ريال
