صباح الخير جميلاتي اليوم بتكلم عن شي ينفع لبنات الجامعة وللدوام سي سي كريم من ايتود هاوس هالكريم له ثمان فوايد مصحح لون للبشرة مضاد للتجاعيد واقي من اشعة الشمس بنسبة 30% مرطب للبشرة بيس لوضع المكياج تفتييح لون البشرة يعطي لمعان للبشرة.
هالسي سي كريم فيه منه درجتين سيلكي وقلو, السيلكي مناسب للبشرة الدهنية والقلو فيه نسبة ترطيب ولمعة مناسب للبشرة الجافة انا اخذت القلو تغطيته خفيفة يرطب البشرة يعطيها لمعة صحية اللي بشرتها تعبانة وتحتاج تغطيه اكثر تقدري تحطي السي سي كريم وفوقه تحطي البي بي كريم حقك او الفاونديشن لان السي سي كريم تقدري تستخدميه لحاله او مع فاونديشن او بيبي كريم.
صراحة انا استخدمه يوميا لحاله وساعات استخدمه مع بيبي كريم من ايتود بعد وتعلقت فيه اكثر ♥ لان فيه نسبة حماية من الشمس وخفيف عالبشرة طلبته من موقع جولز الكوري www.jolse.com
بلشر بيبي فيس من ماركة اتز سكن الكورية هالماركة بديت احبها منتجاتها خفيفة عالبشرة وماتسبب تهيج خصوصا للبشرة الحساسة اللون خفيف وحلو جاي مع العلبة اسفنجة للبلشر عشان ترتاحي من الحوسة.
فيه خمسة الوان كنت بختار الوردي لكن مادري تلخبطت بالارقام واخذت الموف اشتريته من موقع جولز الكوري www.jolse.com
هذي درجات الالوان الخمسة الموجودة عندهم ماعجبني الا رقم 3 رومانتك روز لكن زي ماقلت لكم تلخبطت بالارقام وطلبت اللون الموف
ماسكرا اكسبرس فوليوم من مكياجي حبيتها تطول الرموش وتكثفها ولاتتكتل عالرموش هذا اهم شي عندي ثابتة ماتسيح طول اليوم ومع ذلك لاجيتي تمسحيها بمزيل المكياج بسرعة تنمسح حبيتها صراحة بس حسيت سعرها مبالغ فيه شوي
اشتريتها بستين ريال من محلات مكياجي.
جل الصبار من ناتشر ريببلك أشهر من نار على علم واكثر المنتجات الكورية مبيعا حبيت اجربه ♥♥جميل هالجل صراحة تتشربه البشرة بسرعة يصلح لكل انوع البشرة وخصوصا المختلطة والدهنية يهدي ويلطف البشرة وفيه تسعين بالمية صبار يستخدم للبشرة والشعر والأظافر والمنطقة تحت العين
الجل جاي شفاف وريحته صباروكميته كبيره مقارنة بسعره الرخيص، للبشرة خورااافي جميل يرطب ويهدي ويخفف الاحمرار اللي حول الانف لكن للشعر والأظافر ماشفت اي نتيجة واضحة طلبته من موقع جولز الكوري www.jolse.com
luke charcoal nose cleansing strips لصقات الانف بالفحم روعة تشيل الرؤوس السودا بفعالية وحتى الشعر الوبري اللي عالانف تنظف المسامات كويس حتى وانا مهتمة بشرتي مع ذلك لو تشوفون وش طلع مع اللصقات مكوناتها فحم وفيتامين اي وصبار وشاي اخضر جميلة وفعالة جداا❤ سعر العلبة عشرين ريال فيها عشر لصقات كل اسبوعين استخدم وحدة، طلبتها من موقع جولز الكوري jolse.com
تنت شفايف من ايتيود اسمه etude house dear darling water tint ثباته وسط مايجفف الشفايف ساعات احطه بلشر اللون طبيعي وحلو عندهم ثلاث درجات اخترت اللون الكرزي❤
-
