هذا مقشر لكن شوية غريب جاي على شكل اسفنجة لما تعصري الاسفنجة يطلع زي الرغوة هذي الرغوة عبارة عن مقشر صراحة اول مرة استخدم مقشر بالطريقة هذي مفعوله ممتاز من اول استخدام تحسي بشرتك نظيفة وتلمع اسم هالاسفنجة
Wish Formula C200 Bubble Peeling Pad
شايفين بالصورة لما عصرت الاسفنجة يطلع رغوة,مكونات المقشر فيتامين سي وهالورينيك اسيد وخلاصة موية الارز وزيت الزيتون طريقة استخدامها تغسلي وجهك بالغسول اللي متعودة عليه بعدين وبشرتك رطبة تعصري الاسفنجة وراح يطلع الرغوة تبتدي بالاسفنجة تسوي مساج لبشرة وجهك مدة دقيقتين وغسلي وجهك بموية دافية بتشوفين اللمعان والنظافة والتفتيح,الاسفنجة ترجعيها بنفس الكرتونة وتستخدميها الى ثلاث مرات بعد كدا ترميها طلبت هالاسفنجة المقشرة من موقع جولز الكوري ويشحن مباشرة للسعودية وخدمتهم ممتازة وردهم عالايميل سريع jolse.com
غارنيه طلعوا مجموعة جديدة من الزيوت المعالجة للشعر من لاين الترا دوكس هالزيت خليط من الزيتون والأملا زيت الزيتون والاملا معروفة فوايدهم للشعر رووعة مافيه بارابين ريحته مقبولة وخفيفة مو مزعجة ابداااا يرطب الشعر ويخفف النفشة ممتاز للي شعرها متكسر ناشف متقصف.
الزيت قوامه غير لزج والعلبة جاية على شكل عصار عملية جداا عشان تتحكمي فيها كويس مكتوب يخفف تساقط الشعر ماعندي تساقط فمادري صراحة قبل الاستخدام ترجي العلبة عشان الزيوت تختلط مع بعض متوفر في الصيدليات واي سوبرماركت سعره تقريبا حول ال17 ريال وفيه انواع ثانية
اللي بالصورة شي غريب صراحة أول مرة اجرب منتج زي كذا وتلوموني ليش احب المنتجات الكورية لان عندهم اشياء غريبة وفعالة تحسي بشرتك تتغير فعلا, هالمنتج عبارة عن اسفنجة مليانة سيروم فيتامين سي تركيزه عشره بالمية من ماركة wish formula الكورية
كلنا عارفين فوايد فيتامين سي للبشرة يعتبر بديل لابر النظارة يفتح البشرة يخليها صحية يشد المسام ويصغرها ويعطة نظارة ولمعة للبشرة وهذا مو من استخدام يوم وليلة لازم استمرار الاسفنجة هذي فيها تقريبا 7مل من سيروم فيتامين سي وواضح بالصورة الاسفنجة مليانه بالسيروم
طريقة استخدامها بعد ماتغسلي بشرتك بالغسول تاخذي الاسفنجة وتبدي تمسحيها على وجهك عشان السيروم اللي فيها يتوزع عالبشرة بعد كدا ترجعي الاسفنجة بنفس الكرتونة وتحطيها بالثلاجة تكفي لاستخدام ثلاث مرات.استخدمها بالليل افضل عشان السيروم يلزق عالبشرة فماينفع تحطيه الصباح خليه بالليل وبتلاحظي الفرق مع الاستمرارية بتكون بشرتك ممتازة اشتريته من موقع جولز الكوري jolse.com
