مواد ليفل ٥ تخصص معلوماتية صحية بالجامعة السعودية الالكترونية

كيفكم مع الاجازة اللطيفة🤗
كثير طلبوا مني بتويتر اتكلم عن مواد ليفل ٥ تخصص معلوماتية صحية بالجامعة الالكترونية
راح اتكلم اليوم عن مواد الصحة بليفل ٥ وهي البوليسي والانتر والايديوكيشن ومادة اسلام٢ اما مواد الايتي الداتا بيس والاناليسيس راح اخليها بتدوينة ثانية..
اولا:
 راح اتكلم عن مادة البوليسي hcm113
هذي المادة بشكل عام تتكلم عن السياسات وخاصة السياسات الصحية والمجلس الاداري والتنظيمي والنظريات السياسية وعلاقة السياسة بالصحة والعوامل وغيرها المادة تعتبر متوسطة الصعوبة واذا كان مدرس المادة متمكن راح تكون سهلة جدااا،اخذت هذي المادة مع دكتور اسمه reddy  هندي الجنسية وكان جدا ممتاز والشرح رائع وسلس،فاذا شفت اسم الدكتور بالبانر سجل معاه المادة بدون تردد.
سبيلك للنجاح في هذي المادة هو حفظ وفهم الكي تيرمز وهي عبارة عن مصطلحات في بداية كل شابتر وفهم باقي الشابتر...بتكلم عن نفسي ذاكرت من الكتاب لكن اللي حاب يذاكر من السلايد فهي لاباس بها وفيها معلومات جيدة.
ثانيا:
مادةphc212 مادة سهلة ومادة رفع معدل تتكلم عن مفاهيم التثقيف الصحي وتعزيز الصحة وكم نظرية لتعديل السلوكيات ،سلايدات هذي المادة جدااا ممتازة وكافية تحتوي اغلب المنهج،مو كل المنهج😅 اغلب المنهج يعني لكن اللي حاب يدرس من الكتاب فهو سلس وسهل.سبيلك للنجاح في هذي المادة هو فقط متابعة نهاية كل شابتر او شابترين وتعتبر من المواد السهلة ومواضيعها سهلة ماراح تعاني منها باذن الله.

ثالثا:
مادةphc214 مادة الانتر وماادراك من الانتر😅كانت بالنسبة لي صعبة جدااااااا ومن اصعب مواد الصحة اللي مرت علي ،وعانيت منها كثير بسبب طولها فالشباتر طويلة والمواضيع متشابه ومتشابكة مع بعض،المرجع كان سيء بالنسبة لي صعب اكاديميا ومبهم ويتكلم عن امثلة كثير وتارك الشرح المفيد اطلاقا ماعجبني مرجع هذي المادة واتمنى يتم تغييره لمرجع افضل منه، المقرر يتكلم عن الفرق الصحية المشتركة وبعض المفاهيم ودور كل من الفريق والليدر واعضاء الفريق والكفاءات،سلايدات المادة هذي فخخ وغير كاملة اطلاقا لابد وارجع اقول لابد من الرجوع للمرجع.سبيلك للنجاح في هذي المادة المتااااااابعة الاسبوعية اوعى اوعى تراكمها عليك لابد تحترس من هذي المادة جيدا واي مصطلح ماتفهمه تسال دكتور المادة عنه ولابد تحط لك جدول عشان تدرس هذي المادة كويس وتستعد بشكل جيد للاختبار
وتدرس من المرجع وليس السلايدات،سلايدات المادة اذا ماغيروها فهي  ناقصة كثير وغير شاملة..ايضا انصحك تجمع اعمال السنة وتحرس حرس شديد تكون كاملة او شبه كاملة عشان لو قدر الله ماحليت كويس بالميد او الفاينل درجات اعمال السنة ترفعك عن الرسوب

رابعا:
اسلام ٢
مايحتاج نتكلم عنه مادة سهلة جدددددددا كله كلام نظري وبالعربي  وتعتبر من مواد رفع المعدل.

كذا خلصنا مواد الصحة ومادة اسلام ٢
باقي لنا مواد الاي تي وهي الداتا بيس والاناليسيس راح اتكلم عنه بتدوينة ثانية قريب باذن الله

الجامعة السعودية الالكترونية

                     صباح الخير للجميع🌺
بعد وصول مشكلتنا ترند على تويتر والكثير طلبة وغير طلبة يسالون ليش تطالبون بالانتظام ومساواتكم بالجامعات  الاخرى الانتظامية اللي يداومون يوميا؟؟ الجواب لعدة اسباب:

١.اللي وعد ان شهادتنا انتظام مساواة بباقي جامعات المملكة مسؤولي الجامعة وادارتها يعني مو احنا من انفسنا قررنا نكون انتظام الجامعة منذ تاسيسها طالع قرار ملكي بتصنيفها انتظام وكذلك لما سجلت بالجامعة حضرت جميع لقاءاتهم ومؤتمراتهم وكان جوابهم اذا دخلتوا جامعتنا شهادتكم انتظام وعلى هالاساس دخلت الجامعة الالكترونية.

٢.الدراسة في الجامعة البعض فاهمها غلط بما ان اسمها الكترونية فهي جامعة خرابيط واي كلام وشغلهم اونلاين فقط هذا مفهوم خاطىء لدى الكل نظام الدراسة بالالكترونية زي كل الجامعات نحضر محاضرات فعلية فيس تو فيس في الجامعة كلاسات، ونحضر اونلاين عن طريق البلاك بورد اللي اغلب الجامعات تطبقه ايضا نحضر للاختبارات ونحضر اذا  كان فيه بريزنتيشن وهذا الكلام بشكل اسبوعي فاحنا مو فقط اونلاين،فيه حضور للجامعة وفيه اونلاين وكل الجامعات صارت تطبق هذا الشي مو احنا فقط.

٣.ينزل لنا واجبات واسيمنتات ومشاريع زينا زي غيرنا وحل هذي الواجبات ليس اعتباطا يدخلون واجباتنا بسيستم معين ولو طلعت نسبة نسخ من موقع او كتاب على طول تاخذ صفر وبدون جدال يعني انظمة صارمة على حل الواجبات ولاتقدر تنسخ من اي مكان والا صادك السيستم يعني نحل واجباتنا بجهد جهيد وتعب.

٤.الاختبارات عندنا مركزية تاتي من فرع الرياض وكل الفروع تختبر نفس الاختبار والاختبارات كذلك ليست خرابيط وراندوم نعاني منها ونذاكر لها مراجع باللغة الانجليزية يصل المرجع الواحد الى ٤٠٠ الى ٦٠٠ صفحة والتصحيح لورقة الاختبارات دقيق مايعطونك درجى واحدة زيادة ولافيه شي اسمه بندفهم بدرجات زي مايحصل في جامعات ثانية كلنا في الالكترونية اللي نجحوا نجحوا بجهدهم وتعبهم لانعطى درجة واحدة من اي دكتور تكرما او دف والا تعرضنا للمساءلة وهذي انظمة صارمةةة فيما يخص اختبارات الجامعة اللي بيختبر ينجح بمجهوده مافيه شي اسمه بنساعدك وبندفك بدرجات.

٥.نظام الدراسة بالجامعة باشتراك مع جامعات عريقة كجامعة اوهايو وفرانكلين وغيرها وهي مناهج متطورة.

٦.ولله الحمد طلاب الالكترونية طلبة مجتهدين ومتفوقين واثبتوا جدارتهم باكثر من مسابقة حصل طلاب الالكترونية على المركز الثاني على مستوى المملكه في الامن السيبراني متقدمين على جامعة الملك فهد للبترول والمركز ٥٤ عالميا متقدمين على جامعة مانشستر وايضا حصلنا على المركز الثالث في مسابقة هاكثون متقدمين على كثير من جامعات المملكة وغيرها الكثير.

٧.الغياب والحضور اذا لم تحضر حرمااااااان على طول والعذر الطبي مايقبلون اي عذر انظمة صارمة يعني لاتعتقدون ندخل ونطلع برا المحاضرات والدنيا فوضى فيه تحضير وحساب للغياب واللي تتعدا نسبة غيابه المحددد حرماااان  ولاتنفعه لاواسطة ولاغيره.

٨.حضور الاختبارات بالهوية الوطنية سواء طالبات او طلاب ماندخل قاعة الاختبار الا لما يتاكدون من هويتنا ومطابقتها.

فبعد كل هذا الجهد والتعب الانستحق ان تختم شهاداتنا انتظام؟

مادة الترمنولوجي biol101 ليفل ٣ تخصص معلوماتية صحية بالجامعة السعودية الالكترونية

مادة الترمنولوجي بليفل ٣ معلوماتية صحية كانت من امتع المواد بالنسبة لي والكتاب المقرر علينا دراسته كان جداا جميل وسلس والصور الموجودة فيه تشجعك على الدراسة
تتكلم هالمادة عن المصطلحات طبية واصل الكلمة والسيفكس والبريفكس والعلماء وكل عالم ودوره زي مثلا العالم غاليو اللي اختراع الميكروسكوب....الخ.
المادة سهلة لكن دسمة وطويلة فتحتاج مذاكرة اول باول
وايضا تحرص على الاسيمنتات لانها هي اللي ترفع معدلك في حال لاقدر الله ماحليت كويس في الميدتيرم والفاينل.
توزيع الدرجات يختلف من دكتور لدكتور ومن سنة لسنة لكن على وقتنا كان التوزيع :
٨ ميمو
٢كويز
٢اسايمنت عن المصطلحات
لوحة مناقشات
٥ درجات حضور محاضرات ومشاركة

كيف تذاكر هذي المادة وتحصل على معدلA+؟
١-تذاكر من الكتاب وليس السلايدات
٢-المذاكرة اسبوعيا كل شابتر بوقته
٣-حل الاسايمنتات بالشكل اللي يطلبه دكتورك عشان تحصل اعلى درجة
٤-مذاكرة اسئلة وكويزات نهاية كل شابتر بالكتاب

ليفل ٣ معلوماتية صحية اسباب الرسوب والتعثر وكيفية النجاح باعلى معدل*الجامعة الالكترونية*

مرحبا كيفكم مع الاجازة🌹
راح اتكلم اليوم عن ليفل ٣ معلوماتية صحية بالجامعة السعودية الالكترونية اغلب الطلبة يرسبون او يتعثرون بهذا الليفل لعدة اسباب كثيرة اولها واهمها ان الطالب توه جاي من التحضيري ويفكر ان التخصص بنفس مستوى التحضيري وهذا اكبر غلط شتان مابين التحضيري والتخصص.ليفل ٣ راح يكون عندك ٦ مواد اذا مشيت عالخطة وهذي مواد كثيرة مقارنة بالتحضيري فلازم تضاعف جهدك بليفل ٣ وتذاكر اسبوعيا واذا انت ضعيف تترجم بدري اي شابتر صعب عليك وتستعد جيدا للميد تيرم لان الخطا الثاني اللي يقع فيه الطالب انه يهمل المراجعة الاسبوعية وفجاءة تمشي الايام ويقرب الميد ويلاقي نفسه في ضغط شديد مو قادر يلحق يذاكر خصوصا ان اسبوع الميد اختبارات من الخميس للخميس الثاني بدون يوم راحة وبالتالي بسبب عدم الاستعداد الجيد وعدم المذاكرة الاسبوعية يرسب الطالب بالميد وتكون الدرجات سيئة جدااا.سبب ثالث للرسوب اهمال الطلبة للواجبات او الاسايمنتات لانك داخل على ليفل ٣ ممكن تعاني في حل الواجبات فلازم تسال دكتور المادة مرة ومرتين وثالث كيف تحل الواجب بعض الطلبة يحل الاسايمنت اي كلام وياخذ درجة سيئة ويهمل درجات اعمال السنة اللي تعتبر مهمة جدا وترفعك عن الرسوب في حال انك ماحليت كويس في الميدتيرم او الفاينل.
نلخص الكلام هذا كله بنقاط عشان توصل لك المعلومة بشكل افضل.
أ/اسباب الرسوب في ليفل ٣ تخصص معلوماتية صحية:
١-عدم المذاكرة الاسبوعية.
٢-صدمة التخصص وعدم التخلص من هذي الصدمة وعدم التكيف مع التخصص باسرع وقت.
٣-اهمال درجات اعمال السنة وعدم حل الواجبات بشكل جيد.
٤-عدم وضع جدول لمذاكرة المواد قبل اختبار الميدتيرم او الفاينل.

ب/طرق النجاح بليفل ٣ تخصص معلوماتية صحية:
١-المذاكرة الاسبوعية وترجمة المصطلحات الغير مفهومة.
٢-حل الواجبات والحرص على درجات اعمال السنة تكون كاملة او باعلى درجة يمكنك الحصول عليها.
٣-اذا كانت مادة معينة صعبة عليك وماتفهمها.تبحث عن شروحات باليوتيوب او تبحث عن مدرس خصوصي يشرحها لك اذا عندك القدرة المادية.
٤-المشاركة بقروب طلبة مجتهدين يتساعدون مع بعض لحل الاشياء الغير مفهومة والمذاكرة سوية.
٥-التوكل على الله فطالب العلم اذا احتسب الاجر يفتح الله سبحانه له ابواب المعرفة.
٦-التخلص من صدمة التخصص والتاقلم والتكيف باسرع وقت فهذا تخصصك اللي اخترته فجابه بكل مااوتيت من قوة.

**ماهي المواد اللي راح تدرسها بليفل ٣ وتفاصيلها راح انزلها بموضوع اخر.

ولاتنسوني من صالح دعائكم والدعاء لي بالشفاء العاجل🌹

تجربتي في مادة الحاسب في السنة التحضيرية بالجامعة السعودية الالكترونية

كيفكم مع الجامعة وان شاء الله تم قبولكم وتصيروا من طلبة الجامعة اللطيفون😘

تجربتي مع الحاسب كانت جميلة وومتعة واستمتعت بهذي المادة طبعا منهج الحاسب بالانجلش وتشتري الكتاب بقيمة ١٦٥ريال اونلاين ويجيك كود على ايميلك تفعل هذا الكود عشان تحل الواجبات والاسايمنت.توزيع الدرجات يغيروه من سنة لسنة لكن على وقتي كان توزيع الدرجات كالاتي:

٥درجات على لوحة المناقشات
١٥ درجة كويزات
٥ درجات على السيمنت ورد
٥ درجات على السيمنت اكسل
٢٠ درجة على الاختبار الفصلي
٥٠ درجة عالاختبار النهائي

منهج الحاسب كان عن اساسيات الحاسب ماتعمقوا كثير وفيه تعاريف وتعداد ،اذا مر شي ماعرفته اترجمه بالعربي.كنت اجيب كتاب الحاسب للمحاضرة واحدد مع شرح الاساتذة واذاكر فقط اللي حددته. كل اسبوع لازم تدرس وتراجع اللي اخذته عشان مايكثر عليك لان المنهج دسم وفيه معلومات كثيرة. لا تراكم على نفسك  الدروس وتجي ليلة الاختبار تذاكر ايش والا ايش.فيه مراجعات يسويها دكتور المادة لازم تحضرها ضروري جداا لانه يجيب اسئلة السنوات السابقة تستفيد منها وتعرف كيف طريقتهم بالاختبار،وبالتوفيق للجميع ولاتنسوا تدعوا لي بالتوفيق🌹

تجربتي في الماث بالسنة التحضيرية في الجامعة السعودية الالكترونية

سلام عليكم
حبيت افيدكم بتجربتي في مادة الماث
اول شي حبيت انوه على نقطة اشوف كثير طالبات تجي للجامعة وهي منهكة تعبانةمالها خلق وكأن هذي الجامعة هم وتبغى تتخلص منه.
لازم تحبي دراستك الجامعية وتعتبريها تحصيل علم تاخذي عليه اجر باذن الله +استمتعي بدراستك الجامعية عشان تكون نفسيتك مرتاحة واهم نقطة لاتقارني نفسك بغيرك خليك بقدراتك ومؤهلاتك اكبر غلط اللي تقارن نفسها بغيرها وليه حصلت هذي الدرجة وانا لا!كل شخص له قدراته خليك بنفسك وبدراستك وثقي بنفسك وانك قدها وراح تنجحي وبتفوق.
كيف حصلت على a+ في الماث خليك متابعة مع شرح الاستاذة لانه مهم جداا تفهمي القواعد والاساسيات لاتنامي في الكلاس وفي البيت تتعبي تحاولي تذاكري وتبذلي جهد كبير عشان تستوعبي المادة.
لو تابعتي مع شرح الاستاذة بتركيز بالكلاس راح ترجعي للبيت تحتاجي فقط مجهود بسيط ومراجعة خفيفة
حلي الواجبات الاونلاين اول باول عشان ماتكثر عليك وتتجمع الواجبات.
قبل الميد باسبوع ادرسي المادة كويس عشان اذا فيه شي مو فاهمته ترجعي لاستاذتك بالمكتب تساليها.
لو نفرض انك غبتي يوم من الايام عنشرح شابتر معين
روحي للنت وافتحي يوتيوب واكتبي اسم الشابتر وتطلع لك شروحات بالهبل اختاري اللي تبغي وادرسي.
فيه مراجعات يسوها الاساتذة قبل الميد والفاينل خلك حريصة على حضور المراجعة مهمة جداااا الاستاذة تجيب نماذج لسنوات سابقة للاختبارات والاسئلة اللي دايم يكرروها.لاتكثري الملخصات عشان ماتشتتي نفسك غالبية البنات تجمع ملخصات كثيرة وتتعب وهي تدرس من كثرة الملخصات عليك بالمنهج فقط ومراجعة الاساتذة.وان شاء الله اكون عطيتكم ملخص بسيط عن تجربتي تستفيدوا منه.

تشكيلة جديدة

للطلب والأسعار هنا

للطلب والأسعار هنا

للطلب والأسعار هنا

للطلب والأسعار هنا

للطلب والأسعار هنا

للطلب والأسعار هنا