ريجيم الشوربة الحارقة للدهون(تجربتي الخاصة مع الصور)

ريجيم الشوربة الحارقة للدهون اللي هي شوربة الكرنب او الملفوف تنقص من 5 الى 7 كيلو بالاسبوع بدون رياضة حسب كل شخص وجسمه.هالريجيم معروف بالمستشفيات اذا مريض يحتاج لعملية ووزنه زايد يعطونه هالريجيم,هالريجيم يعتمد على شوربة الملفوف الحارقة وخضروات وفواكه له جدول معين بحطه لكم:

                              
                               اليوم الاول: الشوربة الحارقــة

+
فواكـه ماعدا الموز
+
10 أكواب


اليــوم الـثاني : الشوربة الحارقــة
+
جميـع أنواع الخضروات بدون إضافات ( ممنوع البقوليات، الفول، الذره )
+
10 أكواب مـاء



اليــوم الـثالث : الشوربة الحارقــة
+
فواكه اليوم الأول + خضروات اليـوم الثاني
+
10 أكواب مـاء 

اليــوم الـرابع : الشوربة الحارقــة
+
عدد (8) حبات موز مع حليب خالي من الدسـم
=
حبتين الصبح
حبتين الظهر
حبتين العصـر
حبتين العشاء

+10 اكواب ماء

اليــوم الـخامس : الشوربة الحارقــة
+
دجـاج مسلوق أو سمك فيليه مسلوق
+
طماط
+
12 كوب من المـاء

اليــوم الـسادس : الشوربة الحارقــة
+
خضروات ماعدا البطاطا
+
لحــم عجل (لازم لحم) مشوي او مسلوق
+
12 كوب مـاء

هذا لحم عجل من بنده اخذت ربع هاللحم 300جرام وسلقته مع شوي ملح 

اليــوم الـسابع : الشوربة الحارقــة
+
كوب رز بني مسلوق
+

خضروات

+
12 كوب مـاء

تقدرون تشربون شاي او قهوة بدون سكر , والشوربة كنت اشربها الظهر العصر المغرب العشا كل ماشربتي الشوربة اكثر كل مانحفتي اكثر.

طريقة تحضير شوربة الملفوف الحارقة للدهون:

1.ست حبات كبيرة من البصل الأصفر أو الأخضر + ست حبات ثوم

2. حبتان فلفل رومي أخضر+2جزر

3. أربع حبات طماطم متوسطه الحجم

4. حبة كبيرة ملفوف

5. حزمة من الشبت والبقدونس

6.مكعب ماجي

قطعيهم قطع صغار وحطيهم مع بعض وفوقهم موية الين تغطي الخضار وخليها تغلي عشر دقايق بعدين خلي النار هادية نص ساعة

هالشوربة كميتها كبيرة تكفي ثلاث ايام حطيها بالثلاجة واشربيها الصباح وعالغداء والمغرب والعشا.

هالريجيم مدته اسبوع فقط ماتستخدميه اكثر من اسبوع عشان ماينفع تجلسين فترات طويلة اكلك فقط شوربه وخضار وتحرمي الجسم من البروتينات والفيتامينات.هذا ريجيم يستخدم للي يبي ينحف بسرعة عشان عنده عملية ولازم يخفف وزن او اللي عندها مناسبة وتبي تنزل كم كيلو....صراحة اشوفه ممتاز وجربته ونقصت اربعة كيلو باسبوع بدون رياضة لكن افضل تسون رياضة عشان مايترهل الجسم لو عالاقل تمشين ربع ساعة.وزني مارجع بعد ماخصلت الاسبوع لان كنت محافظة على الاكل الصحي لكن اللي بترجع تاكل الدهون والعادات الغذائية السيئة اكيد بيرجع كل وزنك اللي خسرتيه.