المشد الحراري (مشد كيم)

كيفكم خواتي كثير منكم سالني عن تجربتي عن المشد الحراري عشان كدا قررت اكتب تدوينة عنه بالتفصيل

اول شي ليش سموه مشد حراري؟؟لان المادة الخارجية اللي مصنوعة منها المشد مادة لاتكس وهذا تحبس الحرارة بالجلد وبالتالي يعرق الجلد فعشان كدا سموه مشد حراري.

فيه اصلي وتقليد الاصلي لازم تكون صناعته كولومبية وفيه شركات كثير كولومبية تصنع هالمشد اشهرها انشيري Ann chery لكن مو شرط تشتري مشد انشري ممكن اي شركة ثانية اهم شي تكون صناعته كولومبية

انا اشتريت المشد الحراري من هالموقع  http://www.hbsecret.com/

من جوا او من الداخل المادة عبارة عن قطن ومن الخارج المادة لاتكس واول ماتستلمي المشد وتفتحي العلبة بتشمي على طول ريحة لاتكس كانه ريحة مطاط وشوية طويل هالمشد ممكن فيه ناس تتضايق من هالشي لكن انا ماضايقني طوله

نجي لتجربتي معاه هالمشد جدا مريح ومايضايق بالحركة ابدا تعرفوا بعض المشدات تكون ضاغطة عليك وماتقدري تتحركي كويس او حتى ماتقدري تجلسي كويس من المشد..لكن هالمشد مريح جدا اجلس واتحرك عادي..ممكن يضايق اول ماتلبسي بس بعدين تتعودي عليه....ويشد كويس اذا عندك زوايد او بروز بالبطن والخصر يشد ويخفيها كويس ويرتب الجسم والخصر.

لكن سبب شهرة هالمشد مو لانه يشد البطن ويرتب الجسم,سبب شهرته انه ينحف الخصر ويرسمه  وينقص من مقاس خصرك من انش الى اربعة انش ويخفف من دهون البطن والخصر.ولازم تلبسيه من ست الى 8 ساعات فقط مع رياضة خفيفة ودايت خفيف,ويساعد على عودة البطن الى طبيعته بعد الولادة, بالنسبة لهالنقطة انه يخفف من دهون البطن والخصر انا لسا اجرب هالمشد لي اسبوع فقط فمااقدر افيدكم بهالشي لكن راح اسوي تدوينة بعد شهر اكتب فيها  هل فعلا هالكلام صحيح انه يخفف دهون الخصر والبطن وينقص من مقاس الخصر...فخليكم متابعين معاي ان شاء الله بعد شهر بكتب تجربتي.

يعني خلاصة هالموضوع ان هالمشد تقدري تستفيدي منه بنقطتين:
1-اذا حابة انتي مشد  تلبسيه بالمناسبات يشد لك الخصر ويشيل البطن ويكون مريح مايضايق فانصحك بهالمشد جدا مممتاز تلبسيه وقت المناسبات

2-اذا انتي تبغي تخففي الوزن في منطقة الخصر وتبغي تنزلي وزنك في هالمنقطة وتشيلي الدهون وتنزلي مقاس خصرك انشين او اربعة انش او تبغي تتخلصي من البطن بعد الولادة  فالبسي هالمشد يوميا من ست الى ثمان ساعات مع رياضة ودايت خفيفة(لكن زي ماقلت لكم انا قاعدة اجربه لي اسبوع فقط فماعرف هل فعلا هالكلام صحيح؟ لكن بسوي تحديث للموضوع بعد شهر وافيدكم اكثر)