تجربتي في الماث بالسنة التحضيرية في الجامعة السعودية الالكترونية

سلام عليكم
حبيت افيدكم بتجربتي في مادة الماث
اول شي حبيت انوه على نقطة اشوف كثير طالبات تجي للجامعة وهي منهكة تعبانةمالها خلق وكأن هذي الجامعة هم وتبغى تتخلص منه.
لازم تحبي دراستك الجامعية وتعتبريها تحصيل علم تاخذي عليه اجر باذن الله +استمتعي بدراستك الجامعية عشان تكون نفسيتك مرتاحة واهم نقطة لاتقارني نفسك بغيرك خليك بقدراتك ومؤهلاتك اكبر غلط اللي تقارن نفسها بغيرها وليه حصلت هذي الدرجة وانا لا!كل شخص له قدراته خليك بنفسك وبدراستك وثقي بنفسك وانك قدها وراح تنجحي وبتفوق.
كيف حصلت على a+ في الماث خليك متابعة مع شرح الاستاذة لانه مهم جداا تفهمي القواعد والاساسيات لاتنامي في الكلاس وفي البيت تتعبي تحاولي تذاكري وتبذلي جهد كبير عشان تستوعبي المادة.
لو تابعتي مع شرح الاستاذة بتركيز بالكلاس راح ترجعي للبيت تحتاجي فقط مجهود بسيط ومراجعة خفيفة
حلي الواجبات الاونلاين اول باول عشان ماتكثر عليك وتتجمع الواجبات.
قبل الميد باسبوع ادرسي المادة كويس عشان اذا فيه شي مو فاهمته ترجعي لاستاذتك بالمكتب تساليها.
لو نفرض انك غبتي يوم من الايام عنشرح شابتر معين
روحي للنت وافتحي يوتيوب واكتبي اسم الشابتر وتطلع لك شروحات بالهبل اختاري اللي تبغي وادرسي.
فيه مراجعات يسوها الاساتذة قبل الميد والفاينل خلك حريصة على حضور المراجعة مهمة جداااا الاستاذة تجيب نماذج لسنوات سابقة للاختبارات والاسئلة اللي دايم يكرروها.لاتكثري الملخصات عشان ماتشتتي نفسك غالبية البنات تجمع ملخصات كثيرة وتتعب وهي تدرس من كثرة الملخصات عليك بالمنهج فقط ومراجعة الاساتذة.وان شاء الله اكون عطيتكم ملخص بسيط عن تجربتي تستفيدوا منه.